事件發生係巴士上(點解又係巴士?),
事件有一個啊婆(又係啊婆?!),
那位婆婆就係坐係我前面,
本來好地地的正常,
車上都十分的靜,
那層的人都不太少,
見路程還有一段,
就小睡一會.
不過,
就俾一陣陣的怪聲弄醒,
那種怪聲我很肯定係手提電話發出,
開頭都不太在意,
不過一分鐘,兩分鐘,三分鐘......還是繼續的響.
終於坐佢前面的人終於同佢講,
你電話響呀,啊婆.
哦!唔係呀,我聽緊歌,
但我無帶耳線來,
所以用用廣播器,唔好介意.
聽歌無咩特別好講,
不過點樣放歌落去都無咩好講,
可能有人幫,
但係佢聽緊係英文歌,
佢一面聽就一面細細聲咁唱,
自上次聽mp3的婆婆今次黎過電話婆婆.
世界的人無奇不有.
果係我屋企樓下,
行多兩條街,
就係一間差館.
今日,
就係有一點點小事而經過那一邊,
就係果時,
我就見到一樣好過癮的情境.
有一班啊婆係差館門口曬衫,
根據規定唔可以係唔可以係那些地方晾曬,
一經發現就"大檸樂",
果然,
俾我見到女強人.
啊婆,用下腦啦,
人地唔收你的衫,
係那種地方路邊的車都噴黑哂啦.
又係啊婆.
好早,就起左身,
唔洗一陣,
我啊媽叫我去飲茶,
叫我一陣就好去了.
當然,我唔會唔去.
佢叫我去果間,
其中有一條路,
係經過一個公園,
但係好少係早上經過呢個公園.
去都好少,
早上我都好少出街.
但係今日唔出都唔知.
由於要經過那一個公園,
所以都去那個公園行下,
但係我從遠處都聽到收音機的聲,
見到有一班人係到耍太極,
行過去睇,
有一班呀婆,
死喇,又係啊婆呀,
得一個啊伯,佢係教人耍緊太極,
果部收音機,
唔係播住音樂,
都唔係播緊叫人做咩動作,
係播緊賽馬頻道,
無野講,
走去第二邊,
公園不少得"公園應有的設施"
我當初都以為係小朋友玩緊.
原來係啊婆玩緊,
呀婆玩平均木,(自己想像下啦)
啊婆玩秋千,(用想像力啦),
仲要...
唔係講笑,
講真,強呀.
啊婆,又係啊婆.
今次呢個唔係"神婆".
係一個死xx婆.
好早,今日好早就放左學了,
係下午時候放,
正常係學校....訓緊覺.
由於早左放,
早一點番屋企,
但好累呀.
好好彩,
一去到巴士站,
唔洗好耐就等到有巴左黎,
仲要係冷氣巴,
下層有唔少位,
就坐一個窗口位,
將個袋放係隔離位,
隻右手拉著個袋,
之後,ZzzZzzZzzZzzZzz
沿路上都有好多站,
人都會多,
到左果個站,
但係我唔係100%都睡著,
我都知開始多人了,
但都唔係到擠埋咁,
都有空間,我知嫁,
但係有個唔婆問都唔問就坐左落我個袋,
x你xx!!!(無講到)
你問都唔問就坐落黎,想點呀?!
我:啊婆,你知唔知坐到我d野呀?
.
.
.
.....
.
我:你知到我d野喎?
啊婆:你叫我呀?
我:係呀,你坐到d野呀
啊婆:我點知係唔係你呀.
(註:我係拉住個袋呀.)
我:咁好,就當你唔知,咁你都唔應該坐落去.
啊婆:你霸多左一個位喎,(之後佢又講埋九唔答八的廢話)
我:好,咁你都可以叫一叫我,叫我都可以嗎?
啊婆:點知你會唔會唔理我嫁,點知你會唔唔俾我坐嫁.
我:咁姐係你坐唔坐都預左會有問題啦,咁你又做咩坐呢道呀.
啊婆:咁無位呀,我咪坐你道囉.
我:咁你見到有野你又坐,後面有位你又唔去.
啊婆:咁車上有咁多位你又唔去.
我:你係都要坐我個袋,咁多人去死又唔見你去死(回番佢果句).
之後佢都無理到我.
原來佢想同佢右邊果個啊婆傾野.
所以唔去後面.
我落車前佢都落左了.
坐到我個袋熱曬 :(
好早放學呀今日.
早放學,無巴士,
只好步行,
行到好少人的天橋下,
那道天橋是斜路,不是行樓梯,
只於我是要向上行,
加上我未到天橋,有野檔了視線,
我只可以看到天橋的入口位.
突然.
隆隆隆隆.....
一輛手推車衝到我面前.
由於我只見到入口,所以不知發生什麼事,
但無理由無有人控制那車,
好奇地去看看.
係一個啊婆,又係一個啊婆.點解又係啊婆呀.
見佢一定係唔小心?無力?失手?
定係咩呢?
想幫佢,但我無做到,點解?
我睇多一陣,佢係好有力拿起.
只用左手就拿起,
佢都好大力下.
但我都想知佢點解會失手,
繼續看.
.
.
.
......
.
橋邊又係一道斜路,
又係馬路,
有政府種的樹.
自己用想像力想下啦.
我睇實佢,
佢在橋邊的地,
係斜路同橋的交界,
見佢,
又"失手"放左架車.
我又想,佢唔係呀,咁樣失手一定衝出馬路.
呀!!!!(係我叫)
勁!!
點解?
嘩!
囧.....
點..點..點解可以咁.
一個專家都做唔到.
以上的都是我的心情.
佢放左架車,
竟可以撞樹之後又撞撞撞,
但無撞出馬路,又無撞牆.
彎路,直路,
都直接通過.
但果種衝力仲可以到平路都用得,
沒有失誤,沒有出界,沒有幫到一手.
啊婆仲一面唱歌一面行.
回想下係天橋都係咁.
都好好野車撞到橋的入口就停左,
前面係斜路,
都無撞出了去,
竟然力度,角度,方向都調得完美,
啊婆,你...
自今天之後.
啊婆不再等於老的女性.
啊婆係指深不可測的老婦人. 囧
點解呀~~~!
行街,好口渴.
行行下見到有間ok.
當場係想入去買下野飲.
嘩,好多人下喎.
雪櫃前.
飲咩好?
ok便利店員:啊婆!!!
佢在櫃面前.
由於佢緊錢,只好叫,但無離開櫃面,只好叫休息中的第二個員工.
我都仲未知咩事.
一陣,第二個出左黎....
第一個ok店員:個啊婆呀....
第二個:咩呀,那一個呀?
其實,店中得一個啊婆,仲有那一個呀?
我望實個啊婆,我終於我知咩事.
個啊婆買左個即食串燒,拿茄汁,但一次拿曬所有漿走,咁算唔算偷?
但係佢一路叫一路走,正常係走嫁喇.
但係佢好精,走去人堆中,中佢地見唔到佢,但係我一次看到個啊婆同個店員兩方.
我應該叫住佢,定係同個店員講,佢係果道.
當然,其他人都睇唔到佢.
我看著她,她對我笑了一下.
:(
佢就走左了.
我連野都無買走出ok.
周圍看,己經見唔到佢.
:S
佢無可能咁快就走左.
點解.
