新的開始

就係今日,
大頭蝦早左起身,
但好彩我發現得早,
出門口前醒番起,
唔洗咁早就番左.

由我中一到呢家,
都係一向果款校服,
果款野一著就著左幾年,
係今日,
終於改左了,
完任唔一樣,
算,反正新的開始.

到左學校門口,
睇睇佢,
今次係我第三次望佢咋,
但係,
我都係早左半頭鐘就到,
第一次到點都要早少少,
我唔知係番到去要去禮堂先定點,
好彩果時俾我發現一個牌係講咩班係去邊層,
到左果層,
有好多人係果層行,
都唔似要入課室咁,
一大班學生係學校行,
真係好似團體玩cosplay,
話曬係我一個新鮮的見聞.

我當然係一搵就搵到要去果班,
一層之中唔難搵,
望左入去一眼,
佢地好似好唔友善,
無辦法,
當我係壊人先啦,(呢樣唔洗當)
同一時間,
我就係那層,企係道周圍望,
一時可以睇下那道是什麼人,
第二睇睇教員室係邊,
但係對住學校就係一個個連近視都睇得好清楚的廣告牌,
xx餐廳,學生光顧就會xx,
點睇都睇得到,
那堆牌係想俾咩人睇?

A:那個係邊個呀,未見過喎?
B:點知姐,可能係插班,上黎呢層行下,黎圖書館掛?
A:可能係啦.
我望下佢地就收左聲,
我想講悄悄話都難唔到我呀.

記番起果日校長講過,
今年無人走,
唔計你都無人加入呢級,
好可能佢地記熟哂人樣掛?

等左咁耐都無老師巡樓,
見到一個呀sir想入我本應要入那一個室,
同佢交代左之後佢同我講可以入去,
原來佢就係我個班主任,
佢果樣,
好似.......













呀~~點解會咁嫁??

眾人:吓?!
求其搵左個位坐下就算了,
開始班主任節果時,
老師有老師講,
學生係道玩,
咁唔似band1,
仲差過之前果間,要啊sir開口先收聲,
但係我講過,
如果真係要轉校,
要扮成一個假面孔,
要係一個靜而唔出聲的人,
而且成日睇書又唔太鍾意講野,(喂喂,你扮緊邊個呀?)
的確對我黎講扮野唔難,
但係成效會唔會太大.
點名果時,
特別靜,
想知我咩名呀?

去到禮堂,果班人的訓話,
其實係道講笑話,
一號講者:經過一個暑假之後,學校覺唔覺新左,光亮左呀?
我聽隔離班人講,
原來只係換過新燈泡同加多幾支光管,
哦~~
之後班"訓人"講左一大埋冷笑話,
係那時侯先知我座山原來有人仲高我好多,
新見識.

可能我太靜,
無人同我講野,
呢個都係我其中一個策略,
成日都睇實"本"校規,
其實都係睇漏洞,
男生頭髮不能長過......
下,
咁我前樣果堆"長毛"咪死得,
又無捉喎,
我仲要剪短佢,我都唔太想剪,(你剪黎做咩?你唔通真係想扮佢呀?)
女生的裙唔可以太短,
要大腿果道左右,
咁如果係之前果間係咁就好了,
無講過學生唔咩染頭髮,
俾我睇到,
講明,男生唔可以戴耳環,
講明,女生唔可以戴飾物,佢仲要列哂出黎,
但係無講男生唔可以帶飾物,女生果道,咁多樣係無列到耳環,
太多野講,
抄功課有罪又無列,(可能唔係罪呀)
太多漏洞了.

講咁快就放學,
等人走曬我私下同個啊sir,(真係好似"邊邊個個")
傾傾間學校,
我先知更多野,
佢都同我講,
班人好壊,
我之前教band5都唔係咁,
成績又好,行為又良好.(真係band5?信住先)

講真睇果班人我都唔太順眼,
而且睇起上黎都好細,
比起正常黎睇好細,
而且仲發現佢地英文都唔掂,
一篇野竟然話唔知佢講咩,
但我都睇得明喎,
睇黎都係得個名,
算,
第一日,唔可以咁快定死人地,
再睇睇幾日先算,
間學校好臭呀.